சேவை பணத்தை விரும்புவதில்லை

"உங்களுக்கு பிடித்த விஷயத்தை ஒன்று சேவையாக செய்யுங்கள் அல்லது பணத்திற்காக செய்யுங்கள்; இலவசமாக செய்யாதீர்கள்..."

சேவை பணத்தை விரும்புவதில்லை... பணம் இலவசத்தை எதிர்பார்ப்பதில்லை !

-- ஸ்கேட்ஸ்

மங்கையின் மீதுள்ள மோகம்

"ஒரு ஏழையின் பசியை விட, ஒரு மங்கையின் மீதுள்ள மோகம் வலிமையானது... "

- ஸ்கேட்ஸ்

நல்ல நேரம், நாள் பார்ப்பதில் நம்பிக்கை இல்லை

" நல்ல நேரம், நாள் பார்ப்பதில் எனக்கு நம்பிக்கை இல்லை...
ராகு காலத்தில் எனது மனம் ஒருவருக்கு நன்மை செய்ய சிந்திக்கிறது; நல்ல நேரத்தில் ஒருவரிடம் பகையை விழைய முனைகிறது..."

ஒரு சிசுவை நாம் குறித்த நேரத்தில் எடுக்க முயல்கிறோம்... அப்புறம் ஏன் இந்த இயற்கை(வான சாஸ்திரங்கள்) மீது நமது முட்டாள்தனமான நம்பிக்கை !

- ஸ்கேட்ஸ்

ஏழையாக இருக்க எந்த முயற்சியும் செய்ய வேண்டியது இல்லை

" பணக்காரனாக இருப்பதற்கு சுய கட்டுப்பாடு மிகவும் முக்கியம்; ஏழையாக இருக்க நீங்கள் எந்த முயற்சியும் செய்ய வேண்டியது இல்லை "

- ஸ்கேட்ஸ்

மறு சுழற்சி செய்வதற்கு தயாராக வேண்டும்

நம் வீட்டில் உள்ள தேவையுள்ள மற்றும் தேவையற்றவை என்று எவற்றையாவது தினமும் தெருவில் கொட்டுகிறோம்; வெளியில் நாம் நடமாடும் போது, சமுதாயம் இவ்வளவு அழுக்காக, குப்பையாக உள்ளது என்று நம்மை நாமே விமர்சிக்கிறோம்;

- நாம் நமது பழக்க வழக்கங்களையும், எண்ணங்களையும் மறு சுழற்சி செய்வதற்கு தயாராக வேண்டும் !

- ஸ்கேட்ஸ்

இந்த நூற்றாண்டின் பேரறிவு

இந்த நூற்றாண்டின் பேரறிவு...

" உங்களை மனிதனாக்கும் பணக்கார தொழில் விவசாயமே... அதை செய்வதற்கு உங்களுடைய உள்ளுணர்வை அனுமதியுங்கள்..."

- ஸ்கேட்ஸ்

வாழ்த்து தெரிவித்த நட்பு உள்ளங்களுக்கு

எனக்கு வாழ்த்து தெரிவித்த நட்பு உள்ளங்களுக்கு நன்றி...

எனக்கு வாழ்த்து தெரிவிக்கும் அதே வேளையில், எனக்காக உங்களிடம் ஒரு வேண்டுகோள்:

• உங்களை சுற்றியுள்ள நட்புகளிடமும், குடும்ப உறவுகளிடமும் நேர்மறை சிந்தனைகளை உருவாக்குங்கள்

• உங்களால் முடிந்தால், இயற்கையை ரசியுங்கள்...

• உங்களால் முடிந்தால், மழலையாக இருக்க பழகுங்கள்...

• உங்களால் முடிந்தால், ரத்ததானம் மற்றும் உடல் தானம் செய்யுங்கள்...

• உங்களால் முடிந்தால், ஒரு சிறந்த கல்வி நிறுவனத்தை ஆரம்பியுங்கள் ...

• உங்களால் முடிந்தால், வேலை வாய்ப்பை ஏற்படுத்துங்கள்

• உங்களால் முடிந்தால், விவசாயத்தை செய்யுங்கள்...

• உங்களால் முடிந்தால், சிரியுங்கள்...

நம் நட்புகளால் முடியும் என்று நம்புகிறேன் !

அது தான் நம் ஒவ்வொருவரின் பிறந்த நாள் வாழ்த்து; நமக்கு மட்டும் !

- ஸ்கேட்ஸ்

தேர்தலும் வேண்டாம், தேர்தல் அறிக்கையும் வேண்டாமே

தேர்தலும் வேண்டாம், தேர்தல் அறிக்கையும் வேண்டாமே:

சிறந்த கல்வியும், தரமான மருத்துவமும் இலவசமாக கிடைத்தால் போதும்; தேர்தலும் வேண்டாம், தேர்தல் அறிக்கையும் வேண்டாமே...

நிழல் படமும், நின்ற உறவுகளும்

" நிழல் படமும், நின்ற உறவுகளும்... " 

இப்போதெல்லாம் நாம் நம் கடந்த கால நினைவுகளை மேம்படுத்த நிழல் படங்களை நிஜமாய் உருமாற்றுகிறோம்...

நிஜமாய் நம் முன் நின்ற உறவுகள் இப்போது நிலைப்பதில்லை; நிழல் உறவுகள் மட்டுமே !

- ஸ்கேட்ஸ்

பகுத்தறிவும், பணவீக்கமும்

" பகுத்தறிவும், பணவீக்கமும்..."

இரண்டும் மிகப்பெரிய திறமைசாலிகள்;
இவற்றை நாம் நிதானமாக ஆராய முடிந்தால், நம் வாழ்வின் பெரும்பாலான முடிவுகளுக்கு காரணகர்த்தா...
பகுத்தறிவும், பணவீக்கமும் !

நானும், என் இயற்கையுயிரும்...

நானும், என் இயற்கையுயிரும்...

எனது தாயிடம், தற்போது பார்க்கும் வேலையை துறந்து விட்டு இயற்கை விவசாயம் செய்ய போகிறேன் என்றேன்.
அவள், 'அது மிகவும் கடினமானது என்றும், வேண்டாம் என்றும்' வினவினாள். சொன்ன மற்ற உறவுகளும் அப்படித்தான்;

என்னை நீ ஈன்றது, 'ஒரு மரபணு விதை போல' இல்லையே அம்மா என்றேன்;

"உயிரும், மரணமும் இயற்கையாக நிகழ்ந்தால் தான் அது அழகு", நானும் எனது இயற்கை விவசாயத்திற்கு திரும்புகிறேன்...

தயாருமாகிறேன்...

- ஸ்கேட்ஸ்

முயற்சி செய்வது நல்லது தான்; ஆனால்...

முயற்சி செய்வது நல்லது தான்; ஆனால்...

" எதையாவது முயற்சி செய்வது நல்லது தான்; ஆனால் குறிக்கோள் இல்லாத முயற்சியும், பயன் தராத உழைப்பும் கால விரயமானது "

- ஸ்கேட்ஸ்

யாகங்கள் பலிக்கும்

 யாகங்கள் பலிக்கும்:

" தலைமுறை தலைமுறையாக நம் சந்ததியினர் நன்றாக வாழ வேண்டுமென்று லட்சியத்துடன் என்ன என்னமோ யாகங்களை செய்து கொண்டிருக்கிறோம்... நீர் வளத்தையும், மற்ற இயற்கை வளத்தையும் நஞ்சாகாமல் பார்த்துக்கொண்டாலே போதும்; யாகங்கள் பலிக்கும்"

- ஸ்கேட்ஸ்

சுதந்திரமும்,தலைமைப்பண்பும்

சுதந்திரமும்,தலைமைப்பண்பும்...
வாழ்நாள் முழுவதும் சுதந்திரமாக வாழ வேண்டுமா ?
பொறுப்புகளை தட்டிக்கழிக்காதீர்கள்; உங்களது தலைமைப்பண்பே சுதந்திரமாக இருப்பதற்கான ஒரே பாதை !

தலைமைப்பண்பை விரும்பவில்லையா ?
உங்களது வாழ்வில் சுதந்திரத்தை பற்றி கனவில் கூட ஒரு பொழுதும் நினைத்து பார்க்காதீர்கள் !

- ஸ்கேட்ஸ்

பணக்காரனும்,ஏழையும் பங்காளிகள்

பணக்காரனும்,ஏழையும் பங்காளிகள்...
"பணக்காரனும்,ஏழையும் பங்காளிகள்; அவர்கள் தங்களது உறவுகளிடம் ஒவ்வொரு நாளும் நிறையும்,குறையும் பட்டுக்கொள்வார்கள். மது அருந்தும் நண்பனும், அவனருகே மது அருந்தாமல் இருக்கும் அவனது நண்பனையும் போல..."

- ஸ்கேட்ஸ்

மழலையின் அழகே அன்பின் அழகு

மழலையின் அழகே அன்பின் அழகு:

சிறுவயதில், என்னுடன் விளையாடிய அவளது(தங்கை) தருணங்கள் ... இப்போது நான் அவளது குழந்தையுடன் விளையாட நினைக்கும் எண்ணங்கள்... மழலையின் அழகே அன்பின் அழகு !

இயற்கை படைத்த உன்னதமான ஒன்று

இயற்கை படைத்த உன்னதமான ஒன்று:

இயற்கை படைத்த உன்னதமான ஒன்று: "பெண்"... அவளது இயல்பினை வர்ணிக்க படைக்கப்பட்ட ஒரு கலைஞனே "ஆண்மகன்". அவன் அவளை வர்ணித்த பெயர்களே, "அன்னை, துணைவி, மகள், சகோதரி, தோழி"...

ஆன்மாவின் நிலை

ஆன்மாவின் நிலை:

நீங்கள் ஒரு செயலை அல்லது ஒருவரை விட்டு விலகி இருக்க விரும்பினால், எதிர் செயலினை உருவாக்காதீர்கள். அவற்றினை ஆழமாக நேசிக்க கற்று கொள்ளுங்கள். அந்த நிலை தானாக விட்டு விலகும். அது தான் ஆன்மாவின் நிலை... 
- Skatz

சரித்திர நாயகன்

சரித்திர நாயகன்:

"அம்பானியையும், ரஜினிகாந்தையும், சச்சினையும், பெரியாரையும், ஹிட்லரையும், விவேகானந்தரையும் நான் ஒவ்வொரு செயல்களிலும் பிரதிபலித்து கொண்டிருந்தேன்...
ஆனால் என்னை மட்டுமே பிரதிபலித்து கொண்டிருக்கும் ஒன்று...

ஓ, என் நிழலா !

உன்னை இங்கே விட்டு செல். ஓராயிரம் நிழல்கள் உன்னை பிரதிபலிக்கும் என்று என் நிழல் சொல்ல... சரித்திர நாயகன் ! "

- ஸ்கேட்ஸ் (Skatz)

வெற்றிக்காக மட்டும் அல்ல

வெற்றிக்காக மட்டும் அல்ல:

"என் கடந்த கால நினைவுகள் என்றுமே அழகானவை... வலிகள் இருந்தும் !
என் நினைவுகள் இன்னும் என்னை அழகாக வைத்திருக்க நான் நன்றாகவே விளையாடி கொண்டிருக்கிறேன்... வெற்றிக்காக மட்டும் அல்ல ! "

வளர்ந்தது பணத்தினால் அல்ல

வளர்ந்தது பணத்தினால் அல்ல:

"நம் ஊர்த்திருவிழா காலங்களில் அமைந்திருக்கும் வளையல் கடைகளும், பலூன் விற்பவரும், ஒய்யாரமாக சுற்றும் ராட்டினமும் என்னை சில நிமிடங்கள் மண் வாசனையை நுகர செய்யும்.
பண்பட்ட நான் வளர்ந்தது பணத்தினால் அல்ல... என் தமிழ் பண்பாட்டினால்..."

- ஸ்கேட்ஸ்

இன்று என்னை அவர்கள் அனுமதிக்கவில்லை

இன்று என்னை அவர்கள் அனுமதிக்கவில்லை:

என் மூத்த பெரியோர்களுக்கு நான் பேருந்திலும், வீட்டிலும் இடம் கொடுக்க மறுத்ததால் இன்று என்னை அவர்கள் அரசியல் சாசனத்தில் அனுமதிக்கவில்லை !

விண்ணைத்தொட

விண்ணைத்தொட...

" முதலாளிகளை ஊக்குவிப்பதிலே உங்கள் வாழ்நாள் முழுவதையும் செலவழிக்காதீர்கள் ;

நீங்கள் முதலாளி ஆவதற்கும், தொழில் நுட்ப வல்லுனர்களை உருவாக்குவதற்குமான சிந்தனைகளை மேற்கொள்ளுங்கள் "

ஏழை - பணக்காரனின் ரகசியம்

ஏழை - பணக்காரனின் ரகசியம்:

" குறுகிய தூரம் செல்பவர்கள் வேகமாக செல்வதும், நெடுந்தூரம் பயணிப்பவர்கள் நிதானமாக செல்வதும் சாலைகளின் ரகசியங்கள்..."

அது தான் ஏழை - பணக்காரனின் ரகசியமும் !

- (ஸ்கேட்ஸ்)

தர்மம்

தர்மம்:

மற்றவர்களுக்கு பகிர்ந்தளித்து, நாம் உண்ணும் போது தான் நம்மை நோயிலிருந்து பாதுகாத்து கொள்கிறோம் - அதை தான் தர்மம் என்கிறார்கள் !

ஆயுட்காலத்தின் ஒவ்வொரு நிமிடத்தையும் புதுப்பிப்பவன்

ஆயுட்காலத்தின் ஒவ்வொரு நிமிடத்தையும் புதுப்பிப்பவன்:

" தண்ணீரையும், மின்சாரத்தையும் சேமிப்பவன் எனது ஆயுட்காலத்தின் ஒவ்வொரு நிமிடத்தையும் புதுப்பிப்பவன் "
- ஸ்கேட்ஸ்

காதலும் காமமும் புனிதமானது

காதலும் காமமும் புனிதமானது:

காமமும் புனிதமானது; இயல்பானதே...
அதற்காக நாம் நேரத்தை வீணடிக்க வேண்டாம் 

உலக வாழ்வின் மோட்சம்

உலக வாழ்வின் மோட்சம்:

"இவ்வுலகத்தின் இன்ப துன்பமெல்லாம் Demand-Supply, Opportunity Cost மற்றும் Arbitrage ஆகிய மூன்றிலும் உள்ளடக்கம். உங்களுக்கு விருப்பமில்லை என்றாலும், நீங்கள் இவற்றை அறிந்து கொள்வதே உங்கள் உலக வாழ்வின் மோட்சம் ! "

கற்பனையும் தேவை தான்

கற்பனையும் தேவை தான்:

"கற்பனையும் தேவை தான்...
கடவுளை அறிவதற்கும், நேசிப்பதற்கும்... "

- -ஸ்கேட்ஸ்

நாம் நம் வாழ்க்கையின் மீது வைத்துள்ள நம்பிக்கை

நாம் நம் வாழ்க்கையின் மீது வைத்துள்ள நம்பிக்கை:

" நான் நித்தமும் எனது இரு சக்கர வாகனத்தில் பயணிப்பதுண்டு; சில வேளையில் 10 மைல் தூரத்தினை சாலையின் மீது கவனம் செலுத்தாமலே கடந்திருப்பேன்; அதிர்ஷ்டவசமானதும் கூட... "
                                                                 -  ஆனால் துரதிர்ஷ்டமானது !

- ஸ்கேட்ஸ்

பணத்தின் கர்மா

பணத்தின் கர்மா:


எப்போதும் நீங்கள் பணத்தினை நிர்வாகம் செய்வதற்கு பணத்தின் உள்ளார்ந்த மதிப்பின் மீது கவனம் வைக்க வேண்டும்; அவை தான் பணத்தினால் விளையும் இன்ப-துன்பங்களிலிருந்து விடுபட சிறந்த வழி !